Di lang iisang beses
Di lang iisang beses, nagawa mo kong paniwalain na may forever
Di lang iisang beses na binawi at sinabi mong “I guess we’re really not meant to be together”
Di lang iisang beses na sinabi kong lilimutin na kita
Di lang din iisang beses na sinabi kong nagawa ko na.
Higit pa, sigurado akong di lang iisa, na pumasok ka sa panaginip ko, punyenta ka!
Tapos dun pa sa mga panahong sinabi kong nalimot na kita.
Isa, dalawa o maaring tatlo na,
Yun yung bilang ng taon na huli tayong nagkita.
Ngunit bakit ganun yung mga alaala sobrang linaw pa nila.
Alam ko hihigit pa sa isa yung mga pagkakataong gusto kitang kausapin
Para sabihin yung tinatago kong damdamin
Pero pinipigilan ko, kase alam kong di ka na kelan man magiging akin.
Yung birthday mo nakatatak na sa isipan ko,
Binabati kita, di lang iisang beses
Sa text, facebook, pati sa panaginip.
Ang tanga ko diba?
Di lang iisang beses na nasabi yan sa akin, kaya oo alam ko.
Pero anong magagawa ko?
Lageng basag yung utak ko, sa puso ko.
Sabi ng puso ko nang di lang iisang beses
“Lahat sila maloloko mo na yung damuho eh nalimot mo, pero wag ako. Wag mo lokohin sarili mo.”
PS: Yes, this is about you.
